sesotho

Oct. 4, 2022

KA NKOATE THAMAE

3 min read

Nkhono o fumanoa a shoele, setloholo se iphile limenyane

Nkhono o fumanoa a shoele, setloholo se iphile limenyane

Setloholo se balehile motseng sa ipha limenyane

Story highlights

    Ho fumanoa thipa e khenathetseng mali pel’a setopo, hape a phahella kahore mofu o ne a ena le maqeba a ‘maloa a ho hlajoa ka thipa molaleng, phatleng le ‘meleng.
    ‘Melaelloa o ne a ts’oella mathe leho nts’etsa metsi ka tlung ntle leho sebelisa thuoana ha lithetefatsi li moqakile.

Metro Audio Articles

Catch our weekly audio news daily only on Metro Radio Podcast News.

listen now

Setopo sa mosali oa Mosotho ea hakanyetsoang ho lilemo tse 63 se fumanoe kahara lekoaliba la mali hape ho ena le thipa e belaelloang e sebelisitsoe ho bolaea mofu ketsahalong e etsahetseng Ha Ts’iu Maseru ka la 2 Mphalane 2022.

Pelaello ke hore mofu o fenethiloe ke setloholo sa hae, Teboho Moeketsi, 20, eo e leng moithuti oa sekolo se seng sa mesebetsi ea matsoho Maseru. ‘Melaelloa o belaelloa a ile a ipha limenyane kamora’o hore a fenethe nkhono oa hae.

Ho ea ka tlhaloso ea monghali Mahlomola Ts’oenyane oa Ha Ts’iu, Motimposo, eo e leng mohaisane oa mofu, o hlalositse hore lihoreng tsa hoseng ka Sontaha, e ile ea eba sebonoang-se-bonoa-ke-bohle moo ba fumaneng setopo sa mofu se mali se tjapalletse kahar’a ntlo.

Ts’oenyane a tsoelapele hore ba fumane thipa e khenathetseng mali pel’a setopo, hape a phahella kahore mofu o ne a ena le maqeba a ‘maloa a ho hlajoa ka thipa molaleng, phatleng le ‘meleng. A eketsa kahore o belaella setloholo sa mofu ketsahalong ena kaha a itse o ne a robala le eena ka kamoreng ea ntlo e nang le liphapusi tse tharo.

“Ke na le pelaello ea hore moshanyana enoa ke eena ea entseng ketso ena hobane har’a motse mona hona le nako eo a neng a sebelisa lithethefatsi, a ts’osa batho ba bang kaho ba hlaba ka thipa. Taba eno e ile ea tlalehoa ho mahokela a motseng mona ra nt’o nka likhato tsa khalemo. Ke rata ho supa hore ‘melaelloa ke motho ea neng a re sokulisa kaha a ne a tsuba clue hape a sebelisa lithetefatsi tse ling a nt’o ts’osa batho ka thipa ha lintho tsena tsa li mo qakile.” A rialo Ts’oenyane puisanong le seea-le-moea se seng sa lehae.

Enjoy our daily newsletter from today

Access exclusive newsletters, along with previews of new media releases.

Ts’oenyane o boetse a supa hore ‘melaelloa o ne a ts’oella mathe leho nts’etsa metsi ka tlung ntle leho sebelisa thuoana ha lithetefatsi li moqakile. Hape a supa hore melaelloa o ne a qeta lijo tseo mofu a neng a liphehile kaofela.

“Mofu o ne a atisa hore tlalehela ha ‘melaelloa a etsa lintho tse tsoileng tseleng. Empa lekhetlong lena ke maketse kaha ke sa tlaleheloa letho mabapi le bots’oaro bo hlephileng ba melaelloa”- A rialo Ts’oenyane.

Potsong ea hore na ‘melaelloa o amahangoa le litaba tsa bonomoro, Ts’oenyane o bonts’itse hore o ile a fumana tlaleho ea hore ‘melaelloa ke lenomoro a nt’o phahella ka hore o ile a ba sechele ka litaba tsena kaha nkhono a bile leqe. A ipiletsa ho batsoali ho tlalehela sesole sa Lesotho moo ba bonang bana ba bona ba etsa liketso tse amahangoang le manomoro.

Ts’oenyane a fera litaba tsa hae ka ho elellisoa batsoali ho lisa metsamao ea bana ba bona le hore ba khalengoeloe ka nako kaha a itse thupa e otlolloa e sale metsi.

Hosa le joalo, Metro e ile ea ikopanya le motlatsi oa phala ea sepolesa sa Lesotho Inspector ‘Mareabetsoe Mofoka ea ileng a supa hore ofisi ea habo ha e so fumane tlaleho ka ketsehalo ea polao Ha Ts’iu ka tsela e tloaelehileng.

Share the story

METRO WEATHER FORECAST

Tailored for you

NEW COALITION GOVT  PROMISES ECONOMIC FREEDOM

ISSUE: 2222

NEW COALITION GOVT PROMISES ECONOMIC FREEDOM

Published: Oct,12